کوئٹہ ٹریفک سارجنٹ قتل کیس میں سابق ایم پی اے مجید خان اچکزئی بری

 بلوچستان کی ماڈل کورٹ نے کوئٹہ میں ٹریفک سارجنٹ کے قتل کیس میں سابق ممبر صوبائی اسمبلی مجید خان اچکزئی کو عدم ثبوت پربری کردیا ہے ۔

تفصیلات کے مطابق ماڈل کورٹ کے جج نے کیس کی سماعت کی۔2017 میں بلوچستان کی اسمبلی کے رکن اور اس وقت پبلک اکاؤنٹس کمیٹی کے چیئرمین مجید اچکزئی پرسارجنٹ عطاللہ کو گاڑی کی ٹکر سے ہلاک کرنے کا الزام تھا۔ٹریفک پولیس انسپیکٹرعطا اللہ کی ہلاکت کا واقعہ 20جون 2017 کو کوئٹہ کے زرغون روڈپر 

ایک گاڑی کی ٹکر سے پیش آیاتھا ۔

عاصم سلیم باجوہ کا مستعفی ہونے کا اعلان

 عاصم سلیم باجوہ کا معاون خصوصی اطلاعات کے عہدے سے مستعفی ہونے کافیصلہ، اے آروائی نیوز کے پروگرام پاور پلے میں اعلان کیا، کہا ، چیئرمین سی پیک اتھارٹی کےعہدےپرکام جاری رکھوں گا۔

 عاصم سلیم باجوہ کا وزیراعظم کے معاون خصوصی کے عہدے سے مستعفی ہونے کا اعلان، چئیرمین سی پیک اتھارٹی کا کہنا ہے کہ اہل خانہ کے ساتھ طویل مشاورت کے بعد فیصلہ کیا کہ صرف ایک عہدہ رکھ کر سی پیک منصوبے پر بھرپور توجہ دوں، اسی لیے معاون خصوصی اطلاعات کا عہدہ چھوڑنے کا فیصلہ کیا ہے۔ تفصیلات کے مطابق چئیرمین سی پیک اتھارٹی عاصم سلیم باجوہ نے نجی ٹی وی چینل کے پروگرام سے گفتگو کرتے ہوئے اعلان کیا ہے کہ وہ وزیراعظم عمران خان کے معاون خصوصی برائے اطلاعات کے عہدے سے مستعفی ہو جائیں گے۔

عاصم سلیم باجوہ کا کہنا ہے کہ وہ کبھی بھی معاون خصوصی برائے اطلاعات کا عہدہ قبول نہیں کرنا چاہتے تھے، تاہم وزیراعظم عمران خان کے پرزور اصرار پر عہدہ قبول کیا۔